Знайсці сігнал. Наладзіць сістэму. Узмацніць вынік.

На працоўнай частаце

Цяпер я Lead User Acquisition Manager у AIBY. Сам вяду рэкламныя кампаніі і кірую працай UA-менеджараў. Сярод праектаў, з якімі я працаваў і працягваю працаваць, — Themify, Solvo, ChatOn, OnSkin, HitMeal і ChatBox.

Планую прыцягненне, размяркоўваю бюджэты, тэстую крэатывы, аўдыторыі і крыніцы, аптымізую і маштабую кампаніі. Сачу за ўсім шляхам карыстальніка — ад першага кантакту з рэкламай да дзеянняў у прадукце і акупнасці.

У кожнага прадукту свой рытм. Мне цікава знаходзіць спалучэнне паведамлення, аўдыторыі і моманту, якое выклікае водгук, — а потым разумець, што за ім стаіць.

Аддзяліць сігнал ад шуму

Даныя паступова складаюцца ў карціну. Падзея за падзеяй, гіпотэза за гіпотэзай становяцца бачныя сувязі: паміж рэкламай і прадуктам, першай цікавасцю і наступным дзеяннем, укладаннем і вынікам.

Я наладжваю збор падзей, вымярэнне канверсій і інтэграцыі аналітычных інструментаў. Працую з атрыбуцыяй, аўдыторыямі, сегментамі і справаздачнасцю. Правяраю гіпотэзы і шукаю заканамернасці, на якія можна абаперціся.

Добра наладжаная аналітыка дапамагае пачуць слабы сігнал раней, чым ён стане відавочным. І зразумець, ці варта яго ўзмацняць.

Адчуваць пульс. Вызваляць час.

У штодзённай працы ёсць свой фонавы шум: паўторныя аперацыі, разрозненыя сэрвісы, даныя, якія даводзіцца пераносіць уручную. Аўтаматызацыя дапамагае зрабіць гэты фон цішэйшым — і пакінуць больш увагі таму, што патрабуе думкі.

Я пішу скрыпты для Google Ads і іншых працоўных задач, звязваю сэрвісы праз API, працую з Make і наладжваю MCP-інтэграцыі, праз якія AI-інструменты могуць звяртацца да працоўных даных і сэрвісаў.

У AIBY таксама ўдзельнічаю ў распрацоўцы платформы аўтаматызацыі для аддзела UA: кансультую каманду распрацоўкі, вызначаю прыярытэты задач і прапаную новыя функцыі для прапрацоўкі.

Мне блізкія інструменты, якія натуральна ўваходзяць у працоўны рытм: дапамагаюць своечасова заўважыць змену, атрымаць патрэбныя даныя і вызваліць час для наступнай ідэі.

Як складалася мая частата

Мой шлях пачаўся з AdOps і медыябайінгу — з наладжвання кампаній, аналітыкі і знаёмства з тым, як уладкавана лічбавая рэклама знутры.

У Servolux я ўдзельнічаў у пераносе медыябайінгу ўнутр кампаніі: займаўся планаваннем, закупкай, аналітыкай і справаздачнасцю, працаваў з пляцоўкамі і падрадчыкамі.

У Apalon працаваў з прыцягненнем карыстальнікаў мабільных і вэб-прадуктаў. Тэставаў крэатывы, аўдыторыі, геаграфіі і рэкламныя падыходы, узаемадзейнічаў з камандамі маркетынгу, ASO, прадукту, манетызацыі, даных і распрацоўкі. Дзяліўся досведам на навучальных сесіях па вэб-прыцягненні і тэхнічным баку аналітыкі.

З 2020 года таксама працую над уласнымі праектамі ў web і mobile. Сёння ў маёй працы сыходзяцца самастойная закупка, кіраўніцтва спецыялістамі, аналітыка і развіццё аўтаматызацыі. Кожны з гэтых досведаў дапамагае дакладней наладзіць астатнія.

Інструменты прыёму і ўзмацнення

За гэтым падыходам стаіць практычны досвед працы з рознымі платформамі і інструментамі:

Прыцягненне карыстальнікаў

Apple Ads, Google Ads, Meta Ads, TikTok Ads, Microsoft Ads, Snapchat Ads, Pinterest Ads, Reddit Ads, Twitter Ads, LinkedIn Ads, Ocean Engine, Zucks Ad Network, AppLovin, Unity Ads, Moloco Ads, Roku Ads, Edge226, OpenAI Ads Manager.

Іншыя рэкламныя сістэмы і сеткі

Яндэкс Дырэкт, VK Ads, myTarget, PropellerAds, Coinzilla, Kadam, AdMixer DSP, Google Display & Video 360, Voluum DSP.

Кіраванне кампаніямі і тэставанне

SplitMetrics Acquire, SplitMetrics A/B, Custom Product Pages, рэкламныя рэдактары і аўтаматычныя правілы.

Аналітыка і атрыбуцыя

Google Analytics / GA4, Google Tag Manager, AppsFlyer, Adjust, Kochava, Amplitude, Firebase, Looker, AppMetrica, Яндэкс Метрыка, BeMob, Voluum, AdMob.

Аўтаматызацыя і інтэграцыі

Make, APIWay, Google Ads Scripts, API, MCP.

Даследаванне рынку і крэатываў

Meta Ad Library, SocialPeta, Google Trends, Google Keyword Planner, Яндэкс Wordstat, Rush Analytics, Click.ru, Keyword Tool Dominator.

Даныя і вэб-інструменты

Google Sheets, Excel, LibreOffice Calc, WordPress, Tilda, Readymag.

Па-за працоўнымі частотамі

Да маркетынгу я займаўся лакалізацыяй праграмнага забеспячэння на беларускую мову. У межах працы з LINGVA-BY удзельнічаў у лакалізацыі прадуктаў Microsoft, Google, Samsung і Wargaming.

Мовы, гісторыя і культуры застаюцца часткай майго жыцця. У іх таксама ёсць свае рытмы, сувязі і адценні сэнсу. Мне падабаецца ўслухоўвацца ў іх, разбірацца ў будове і знаходзіць словы, якія перадаюць галоўнае.

Find the Signal

VETAX — мой асабісты прафесійны брэнд. Тут сыходзяцца мой досвед, цікаўнасць і імкненне рабіць складаныя сістэмы больш зразумелымі.

Знайсці сігнал — значыць заўважыць істотнае сярод мноства даных і напрамкаў. Наладзіцца — зразумець яго сэнс. Узмацніць — даць ідэі, якая працуе, прастору для росту.

Часам усё пачынаецца з ледзь адчувальнага імпульсу. З пытання, назірання ці гіпотэзы, да якой хочацца прыслухацца.